ذبحني الشوق

وينك؟!! ذبحني الشوق ماعاد تنشـاف
وينك سوالف عطرنـا اليـوم تبكيـك

مرة سالتـك ماعلـى وصلنـا خـلاف
وهزيت راسك قلت.. مجنون انا فيك !

وقمت من عندك بعد ضـم الأطـراف
وتركت لك منديـل خصـري يسليـك

وحلم (ن) غدا كنه على روس الأطياف
رمز الوفاء لو غاب حسـك وطاريـك

كل الحكـي بعـدك طواريـه تنعـاف
حتى وانا بكتب قصيدي .. احاكيك ؟؟!!

مؤمن بمن هو قال لاتسرق ولاتخـاف
وانت سرقت الروح ومن هو يقاضيك ؟

احكام حبك في الهوى ظلـم واجحـاف
ضد من يطعن في حكمـك ويشكيـك !

( سيًفتها ) في واردي بنون مع كـاف
رسايل (ن) تاريخها بلمسـة ايديـك ~

اسهبت في وصفك وبالغت الأوصـاف
ورغم التحفَظ كنـت ميـت وشاريـك

وشلون لو زادت معانيـك الأسـراف
والله ماتلقى اثر لاسـم ..مغليـك ..!

هذي سنة الفين شـف ثلثهـا طـاف
وانته بعيد وطاري الشوق يكفيـك ..!



[center][center][b]